Mojokerto | Nang dalan-dalan omongan,
isu mbludak koyo banyu kali pas udan deres.
Jeneng wartawan keseret,
dicampur karo perkara sing durung cetho ujung pangkalé.
Ana sing mbela,
ana sing nuding,
nanging kebenaran durung mesthi melu sing paling rame suarane.
Nang kene,
Pendiri Media Group Globalindo, Teguh Puji Wahono, S.Psi., S.H., M.H.,
milih ngomong blak-blakan,
ora nganggo muter-muter,
“Awak dhewe kudu iso mbedakno antarane profesi wartawan karo tumindak pribadine wong. Nek aparat tumindak adhedhasar laporan lan prosedur hukum, kuwi jenenge penegakan hukum, dudu kriminalisasi pers,” tegasé.
Hukum kuwi dudu milik jabatan,
dudu milik profesi,
lan mesthi dudu tameng kanggo ndhelik.
Nang negeri iki,
sopo wae podo nang ngarepe hukum,
ora peduli nganggo label opo.
Kebebasan pers kuwi penting,
koyo cahyo nang peteng,
nanging yen cahyo kuwi dipake kanggo nutupi sing salah,
yo peteng bakal tetep peteng.
“Ojo sampek profesi wartawan digawe tameng kanggo tumindak sing nglanggar hukum. Nek kuwi kelakon, sing rusak ora mung wongé, nanging yo jeneng apik profesi pers,” ujare.
Langkah aparat dudu tanpa alasan,
dudu sak karepe dewe,
nanging ana laporan, ana proses, ana tanggung jawab negara.
“Nek ono masyarakat sing kroso dirugikno lan lapor, aparat wajib nglakoni proses. Kuwi wis dadi kewajiban hukum, dudu tumindak sakarepe dewe,” jelasé.
Nanging siji sing kudu dieling-eling,
arek-arek ojo kesusu nggawe kesimpulan,
mergo kebenaran kuwi ora lair saka rame,
nanging saka proses sing sabar.
“Kudu tegas, nek ono oknum wartawan sing nyalahgunakno profesine kanggo nekan utawa meres wong liya, kuwi ora ono hubungane karo kebebasan pers,” tegasé maneh.
Pers kuwi cermin,
yen cerminé pecah,
sing katon yo bakal ora cetho.
Lan nang pungkasan,
kabeh bakal bali nang siji titik:
“Hukum kudu dadi panglima. Kebenaran kuwi dudu saka opini, nanging saka fakta lan proses hukum sing objektif,” pungkasé.
Saiki wektu sing bakal njawab,
lan masyarakat mung ngenteni—
apa sing metu kuwi kebenaran,
utowo mung bayangan saka omongan.
Mlaku-mlaku nang Darmo sore,
angin semilir nggowo cerita.
Wartawan kuwi nggoleki kebenaran sejati,
dudu gawe tekanan kanggo kepentingan pribadi. 👍
